അനുഭൂതിയുടെ ലഹരി

നിന്നെ പുണർന്നു നുകർന്ന നിമിഷമെൻ-

പൊന്നിൻ കിനാവിലെ പൂക്കാലം...

നീയെന്റെ നെഞ്ചിലെ തുടിപ്പായി മാറിയ-

നിർവൃതി തുളുമ്പുന്ന സ്വർണ്ണയാമം...

എൻ പെണ്ണേ... നിൻ ശ്വാസതാളത്തിൽ-

എൻ പ്രാണൻ മധുരമായ് അലിഞ്ഞു പോയി!

മഞ്ഞണിഞ്ഞൊരാ മാമലച്ചരിവിലെ

മന്മഥൻ നെയ്തൊരു വലയിലായ് നാം...

അധരങ്ങളിൽ തങ്ങിനിന്ന അനുരാഗമധു-

അമൃതതരംഗമായ് പെയ്തിറങ്ങി...

കണ്ണടയ്ക്കുമ്പോഴും കൺമുന്നിൽ നിൽക്കുന്നു-

കൈവന്ന ഭാഗ്യത്തിൻ സ്വർണ്ണരശ്മി!

പിച്ചകപ്പൂമിഴി ചിമ്മുന്ന നേരം ഞാൻ

നിന്നിലെ എന്നെ തിരഞ്ഞു നിന്നു...

ഒരു ചന്ദനഗന്ധമായ് എന്നിൽ നിറഞ്ഞു നീ

ഒരു സ്വപ്നയാത്ര തൻ തുടക്കമായി...

ഇനിയുമെൻ നെഞ്ചിലെ ചൂടിൽ ഉറങ്ങുവാൻ

ഇനിയൊരു ജന്മം കൂടി കാത്തിരിക്കാം!

മെയ്/05/2024

"Please share your comments and suggestions, as they will help improve my writing skills effectively."

നിന്നെ പുണർന്നു നുകർന്ന നിമിഷമെൻ- പൊന്നിൻ കിനാവിലെ പൂക്കാലം... നീയെന്റെ നെഞ്ചിലെ തുടിപ്പായി മാറിയ- നിർവൃതി തുളുമ്പുന്ന സ്വർണ്ണയാമം... എൻ പെണ്ണേ... നിൻ ശ്വാസതാളത്തിൽ- എൻ പ്രാണൻ മധുരമായ് അലിഞ്ഞു പോയി! മഞ്ഞണിഞ്ഞൊരാ മാമലച്ചരിവിലെ മന്മഥൻ നെയ്തൊരു വലയിലായ് നാം... അധരങ്ങളിൽ തങ്ങിനിന്ന അനുരാഗമധു- അമൃതതരംഗമായ് പെയ്തിറങ്ങി... കണ്ണടയ്ക്കുമ്പോഴും കൺമുന്നിൽ നിൽക്കുന്നു- കൈവന്ന ഭാഗ്യത്തിൻ സ്വർണ്ണരശ്മി! പിച്ചകപ്പൂമിഴി ചിമ്മുന്ന നേരം ഞാൻ നിന്നിലെ എന്നെ തിരഞ്ഞു നിന്നു... ഒരു ചന്ദനഗന്ധമായ് എന്നിൽ നിറഞ്ഞു നീ ഒരു സ്വപ്നയാത്ര തൻ തുടക്കമായി... ഇനിയുമെൻ നെഞ്ചിലെ ചൂടിൽ ഉറങ്ങുവാൻ ഇനിയൊരു ജന്മം കൂടി കാത്തിരിക്കാം! അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.