മുല്ലപ്പൂമണം പെയ്തൊരനുരാഗം

വാഴനാരിൽ കോർത്തൊരു വെൺമുല്ലപ്പൂ-

ചൂടി വരുന്നൊരു  നാട്ടുപെണ്ണേ...

നിൻ കേശഭാരത്തിൻ സുഗന്ധമേൽക്കേ-

എൻ സിരകളിൽ അനുരാഗ മധുരം കിനിയുന്നു!

 

നിൻ പാദസരങ്ങളുടെ കിലുക്കത്തിൽ

ഒരു കാലാതീതമായ സംഗീതമുണ്ട്;

അതിന്റെ താളത്തിൽ എൻ ഹൃദയതന്ത്രികൾ

നിനക്കായി മാത്രം പാടുന്നൊരു ഗാനം തീരുന്നു.

 

അർദ്ധനിമീലിത നേത്രങ്ങളാൽ നീ

എന്നെ സ്പർശിക്കുന്ന നിമിഷങ്ങളിൽ-

സമയം നിശ്ചലമാകുന്നു, പ്രപഞ്ചം-

മുഴുവൻ നിശ്ശബ്ദ സാക്ഷിയായി നിൽക്കുന്നു.

 

മരണത്തോളം ആഴമുള്ള ഈ അനുരാഗം

നിൻ മുല്ലപ്പൂചിരിയിൽ ലയിച്ച്

ഒരു ശാശ്വത സത്യമായി മാറുന്നു;

കാലവും ജന്മങ്ങളും കടന്നും വാടാത്ത

പ്രണയലഹരിയായി നീ എന്നിൽ നിറയുന്നു!

മാർച്ച്/03/2010

"Please share your comments and suggestions, as they will help improve my writing skills effectively."

വാഴനാരിൽ കോർത്തൊരു വെൺമുല്ലപ്പൂ- ചൂടി വരുന്നൊരു നാട്ടുപെണ്ണേ... നിൻ കേശഭാരത്തിൻ സുഗന്ധമേൽക്കേ- എൻ സിരകളിൽ അനുരാഗ മധുരം കിനിയുന്നു! നിൻ പാദസരങ്ങളുടെ കിലുക്കത്തിൽ ഒരു കാലാതീതമായ സംഗീതമുണ്ട്; അതിന്റെ താളത്തിൽ എൻ ഹൃദയതന്ത്രികൾ നിനക്കായി മാത്രം പാടുന്നൊരു ഗാനം തീരുന്നു. അർദ്ധനിമീലിത നേത്രങ്ങളാൽ നീ എന്നെ സ്പർശിക്കുന്ന നിമിഷങ്ങളിൽ- സമയം നിശ്ചലമാകുന്നു, പ്രപഞ്ചം- മുഴുവൻ നിശ്ശബ്ദ സാക്ഷിയായി നിൽക്കുന്നു. മരണത്തോളം ആഴമുള്ള ഈ അനുരാഗം നിൻ മുല്ലപ്പൂചിരിയിൽ ലയിച്ച് ഒരു ശാശ്വത സത്യമായി മാറുന്നു; കാലവും ജന്മങ്ങളും കടന്നും വാടാത്ത പ്രണയലഹരിയായി നീ എന്നിൽ നിറയുന്നു! അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.