മധുമാസ സ്വപ്നം

അധരത്തിൽ അലിഞ്ഞൊരു മധുതുള്ളി പോലെ നീ

അനുരാഗ ലഹരിയിൽ പൊതിഞ്ഞു നിന്നു...

ആയിരം വസന്തങ്ങൾ ഒരുമിച്ചു പൂത്തൊരാ-

ആനന്ദ ഹേമന്ത രാത്രിയല്ലോ...

നീ തന്ന ചുംബനപ്പൂവിലെ തേൻ നുകർന്നെന്റെ-

പ്രാണൻ കിനാവിൽ ലയിച്ചു പോയി!

പഞ്ചാരപ്പാലുണ്ണും പൈങ്കിളിപ്പൈതലിൻ-

നെഞ്ചിലെ തുടിപ്പായി മാറി നീയും...

മധുരസ്മരണകൾ മദിരാക്ഷിയായ് വന്ന്

മനതാരിലൊരു സ്വർണ്ണവല നെയ്തു...

കണ്ടുവോ നീ എന്റെ കണ്ണിലെ കാമന-

കൊതി തീരെ നുകരാത്ത തേന്മഴ പോലെ!

അമൃതപാത്രം നീട്ടി അരികിലണഞ്ഞപ്പോൾ

അപൂർവ്വമാം രാഗങ്ങൾ പെയ്തിറങ്ങി...

ഓരോ തുള്ളിയിലും ഓരോ സ്പന്ദനത്തിലും

നിന്റെ പ്രണയത്തിൻ മാധുര്യമല്ലോ...

കടലിരമ്പുന്നൊരീ ഹൃദയത്തിൻ കോണിലായ്-

കനകമധുവായ് നീ നിറഞ്ഞു നിന്നു!

ഫെബ്രുവരി/03/2016

"Please share your comments and suggestions, as they will help improve my writing skills effectively."

അധരത്തിൽ അലിഞ്ഞൊരു മധുതുള്ളി പോലെ നീ അനുരാഗ ലഹരിയിൽ പൊതിഞ്ഞു നിന്നു... ആയിരം വസന്തങ്ങൾ ഒരുമിച്ചു പൂത്തൊരാ- ആനന്ദ ഹേമന്ത രാത്രിയല്ലോ... നീ തന്ന ചുംബനപ്പൂവിലെ തേൻ നുകർന്നെന്റെ- പ്രാണൻ കിനാവിൽ ലയിച്ചു പോയി! പഞ്ചാരപ്പാലുണ്ണും പൈങ്കിളിപ്പൈതലിൻ- നെഞ്ചിലെ തുടിപ്പായി മാറി നീയും... മധുരസ്മരണകൾ മദിരാക്ഷിയായ് വന്ന് മനതാരിലൊരു സ്വർണ്ണവല നെയ്തു... കണ്ടുവോ നീ എന്റെ കണ്ണിലെ കാമന- കൊതി തീരെ നുകരാത്ത തേന്മഴ പോലെ! അമൃതപാത്രം നീട്ടി അരികിലണഞ്ഞപ്പോൾ അപൂർവ്വമാം രാഗങ്ങൾ പെയ്തിറങ്ങി... ഓരോ തുള്ളിയിലും ഓരോ സ്പന്ദനത്തിലും നിന്റെ പ്രണയത്തിൻ മാധുര്യമല്ലോ... കടലിരമ്പുന്നൊരീ ഹൃദയത്തിൻ കോണിലായ്- കനകമധുവായ് നീ നിറഞ്ഞു നിന്നു! അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.