ഏകാന്തതയുടെ പക്വത

"എനിക്കാരും തുണയില്ലെന്ന" ആത്മവിലാപത്തിൻ-

ഇടുങ്ങിയ ഗർത്തങ്ങളിൽ നിന്നൊരു മോചനം!

"എനിക്കാരും ആവശ്യമില്ലെന്ന" ബോധോദയത്തിൻ-

ഉത്തുംഗ ശൃംഗത്തിലേക്കുള്ള ദൂരമാണോ പക്വത?

അന്യരിലർപ്പിച്ച പ്രതീക്ഷതൻ ചങ്ങലകൾ

അറുത്തെറിഞ്ഞെത്തുന്നൊരു കൈവല്യം.

പുറത്തെ വെളിച്ചം മങ്ങുന്ന വേളയിൽ

ഉള്ളിലെ സൂര്യനെ കണ്ടെത്തുന്നു നീ.

ആശ്രിതവത്സലനായ് അലയുന്ന മനസ്സിനെ-

ആത്മബോധത്തിൻ ശാന്തതയിൽ തളച്ചിടുക.

ലോകമെന്ന മായയിൽ തനിച്ചാണെന്ന സത്യം-

ഭയമല്ല, അതൊരു വിമോചനമാണെന്ന തിരിച്ചറിവ്!

നീ തേടിയ തണലുകളെല്ലാം നിനക്കുള്ളിൽ തന്നെ-

ആഴത്തിൽ വേരുകളായ് പടർന്നു നിൽപ്പുണ്ട്.

പുറത്തെ കോലാഹലങ്ങൾക്കപ്പുറം നിന്റെ മൗനം-

ബ്രഹ്മാണ്ഡത്തോളം വളരുന്നതാണ് പരമമായ പക്വത.

മാർച്ച്/17/2026

"Please share your comments and suggestions, as they will help improve my writing skills effectively."

"എനിക്കാരും തുണയില്ലെന്ന" ആത്മവിലാപത്തിൻ- ഇടുങ്ങിയ ഗർത്തങ്ങളിൽ നിന്നൊരു മോചനം! "എനിക്കാരും ആവശ്യമില്ലെന്ന" ബോധോദയത്തിൻ- ഉത്തുംഗ ശൃംഗത്തിലേക്കുള്ള ദൂരമാണോ പക്വത? അന്യരിലർപ്പിച്ച പ്രതീക്ഷതൻ ചങ്ങലകൾ അറുത്തെറിഞ്ഞെത്തുന്നൊരു കൈവല്യം. പുറത്തെ വെളിച്ചം മങ്ങുന്ന വേളയിൽ ഉള്ളിലെ സൂര്യനെ കണ്ടെത്തുന്നു നീ. ആശ്രിതവത്സലനായ് അലയുന്ന മനസ്സിനെ- ആത്മബോധത്തിൻ ശാന്തതയിൽ തളച്ചിടുക. ലോകമെന്ന മായയിൽ തനിച്ചാണെന്ന സത്യം- ഭയമല്ല, അതൊരു വിമോചനമാണെന്ന തിരിച്ചറിവ്! നീ തേടിയ തണലുകളെല്ലാം നിനക്കുള്ളിൽ തന്നെ- ആഴത്തിൽ വേരുകളായ് പടർന്നു നിൽപ്പുണ്ട്. പുറത്തെ കോലാഹലങ്ങൾക്കപ്പുറം നിന്റെ മൗനം- ബ്രഹ്മാണ്ഡത്തോളം വളരുന്നതാണ് പരമമായ പക്വത. അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.