വരച്ചു തീരാത്ത ചിത്രം

ബ്ലാക്ക് ബോർഡിൽ കുറുപ്പ് സാർതൻ-

അക്ഷരങ്ങൾ കോറിയിടുമ്പോൾ,

എന്റെ തൂലിക നിന്റെ ചിത്രം-

നോട്ടുപുസ്തകത്തിൽ മെനയുകയായിരുന്നു!

 

മുന്നിലെ പാഠങ്ങൾ അന്യമായ് മാറി,

നിന്നിൽ മാത്രം ഞാൻ ഉയിർകൊണ്ട നേരം...

അരികിലെത്തിയ സാറിന്റെ നിഴൽ പോലും-

അറിയാതെ പോയതെൻ പ്രണയലഹരി!

 

വരച്ചു പാതിയാക്കിയ നിൻ ചിത്രം-

കൈക്കലാക്കി സാർ നോക്കി നിൽക്കേ,

നിശബ്ദമായൊരാ ക്ലാസ്സ് മുറിയിൽ -

എൻ ഹൃദയതാളം മുഴങ്ങുന്നുണ്ടായിരുന്നു.

 

സാർ മെല്ലെ തിരിഞ്ഞു നിന്നെ നോക്കിയതും-

നീ പേടിയോടെ മുന്നിലേക്ക് തിരിഞ്ഞതും!

ഇന്നും എൻ ഓർമ്മച്ചെപ്പിൽ ആ നിമിഷം-

മായാതെ മിന്നി മറയുന്നുണ്ട്.

 

അന്ന് കൈകളിൽ കിട്ടിയ അടിയേക്കാൾ-

എൻ നെഞ്ചിൽ വിരിഞ്ഞത് നൊമ്പരമായിരുന്നു.

ആ പഴയ നോട്ടുപുസ്തകം ഇന്നെവിടെയോ...

എങ്കിലും കുറുപ്പ് സാറും നിൻ മുഖകാന്തിയും-

എൻ ഉള്ളിലിന്നും വാടാതെ നിൽപ്പുണ്ട്!

ഓഗസ്റ്റ്/19/2008

"Please share your comments and suggestions, as they will help improve my writing skills effectively."

ബ്ലാക്ക് ബോർഡിൽ കുറുപ്പ് സാർതൻ- അക്ഷരങ്ങൾ കോറിയിടുമ്പോൾ, എന്റെ തൂലിക നിന്റെ ചിത്രം- നോട്ടുപുസ്തകത്തിൽ മെനയുകയായിരുന്നു! മുന്നിലെ പാഠങ്ങൾ അന്യമായ് മാറി, നിന്നിൽ മാത്രം ഞാൻ ഉയിർകൊണ്ട നേരം... അരികിലെത്തിയ സാറിന്റെ നിഴൽ പോലും- അറിയാതെ പോയതെൻ പ്രണയലഹരി! വരച്ചു പാതിയാക്കിയ നിൻ ചിത്രം- കൈക്കലാക്കി സാർ നോക്കി നിൽക്കേ, നിശബ്ദമായൊരാ ക്ലാസ്സ് മുറിയിൽ - എൻ ഹൃദയതാളം മുഴങ്ങുന്നുണ്ടായിരുന്നു. സാർ മെല്ലെ തിരിഞ്ഞു നിന്നെ നോക്കിയതും- നീ പേടിയോടെ മുന്നിലേക്ക് തിരിഞ്ഞതും! ഇന്നും എൻ ഓർമ്മച്ചെപ്പിൽ ആ നിമിഷം- മായാതെ മിന്നി മറയുന്നുണ്ട്. അന്ന് കൈകളിൽ കിട്ടിയ അടിയേക്കാൾ- എൻ നെഞ്ചിൽ വിരിഞ്ഞത് നൊമ്പരമായിരുന്നു. ആ പഴയ നോട്ടുപുസ്തകം ഇന്നെവിടെയോ... എങ്കിലും കുറുപ്പ് സാറും നിൻ മുഖകാന്തിയും- എൻ ഉള്ളിലിന്നും വാടാതെ നിൽപ്പുണ്ട്! അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.