ചതിയുടെ കനലുകൾ

 എന്റെ പ്രാണനെ പകുത്തു നൽകിയ വിശ്വാസത്തെ

ചതിയുടെ ചന്തയിൽ നീ വിറ്റു തുലച്ചുവല്ലോ...

നീ നേടിയ ഈ കൊട്ടാരങ്ങളും സമ്പാദ്യങ്ങളും-

എന്റെ കണ്ണുനീരിന്റെ ഉപ്പുള്ളവയാണ്!

അഹന്തയുടെ കൊടുമുടിയിൽ നീ ആടുമ്പോൾ ഓർക്കുക,

അന്യന്റെ കണ്ണീരിൽ പടുത്തുയർത്തിയ ഈ സാമ്രാജ്യം-

നിനക്കൊരു ആപത്തു വരുമ്പോൾ നിഴലായി പോലും വരില്ല.

അന്ന് ഈ സമ്പാദ്യങ്ങളെല്ലാം നിനക്ക് വെറുമൊരു ഭാരമാകും!

ചതിച്ചു നേടിയ സുഖങ്ങളുടെ ശയ്യയിൽ നീ ഉറങ്ങുമ്പോൾ

നിന്റെ ആത്മാവിനെ കാർന്നു തിന്നുന്നൊരു നീറ്റലുണ്ടാകും.

കാലത്തിന്റെ കണക്കുപുസ്തകത്തിൽ ചതിക്ക് മാപ്പില്ല;

നീ കൊയ്യുന്നത് നീ വിതച്ച വിഷത്തിന്റെ കയ്പ്പായിരിക്കും!

ഒടുവിൽ നീ തനിച്ചാകുന്നൊരാ ഇരുണ്ട വീഥികളിൽ,

നീ നേടിയ ഈ പൊന്നും പണവും വഴിവിളക്കാവില്ല.

നിന്റെ ആവശ്യങ്ങളിൽ ഈ സമ്പാദ്യങ്ങൾ നിന്നെ കൈവിടും-

അന്ന് ചതിയുടെ ശാപം നിന്റെ ഹൃദയത്തിൽ എരിഞ്ഞു തീരും!

ജൂൺ/17/2023

"Please share your comments and suggestions, as they will help improve my writing skills effectively."

എന്റെ പ്രാണനെ പകുത്തു നൽകിയ വിശ്വാസത്തെ ചതിയുടെ ചന്തയിൽ നീ വിറ്റു തുലച്ചുവല്ലോ... നീ നേടിയ ഈ കൊട്ടാരങ്ങളും സമ്പാദ്യങ്ങളും- എന്റെ കണ്ണുനീരിന്റെ ഉപ്പുള്ളവയാണ്! അഹന്തയുടെ കൊടുമുടിയിൽ നീ ആടുമ്പോൾ ഓർക്കുക, അന്യന്റെ കണ്ണീരിൽ പടുത്തുയർത്തിയ ഈ സാമ്രാജ്യം- നിനക്കൊരു ആപത്തു വരുമ്പോൾ നിഴലായി പോലും വരില്ല. അന്ന് ഈ സമ്പാദ്യങ്ങളെല്ലാം നിനക്ക് വെറുമൊരു ഭാരമാകും! ചതിച്ചു നേടിയ സുഖങ്ങളുടെ ശയ്യയിൽ നീ ഉറങ്ങുമ്പോൾ നിന്റെ ആത്മാവിനെ കാർന്നു തിന്നുന്നൊരു നീറ്റലുണ്ടാകും. കാലത്തിന്റെ കണക്കുപുസ്തകത്തിൽ ചതിക്ക് മാപ്പില്ല; നീ കൊയ്യുന്നത് നീ വിതച്ച വിഷത്തിന്റെ കയ്പ്പായിരിക്കും! ഒടുവിൽ നീ തനിച്ചാകുന്നൊരാ ഇരുണ്ട വീഥികളിൽ, നീ നേടിയ ഈ പൊന്നും പണവും വഴിവിളക്കാവില്ല. നിന്റെ ആവശ്യങ്ങളിൽ ഈ സമ്പാദ്യങ്ങൾ നിന്നെ കൈവിടും- അന്ന് ചതിയുടെ ശാപം നിന്റെ ഹൃദയത്തിൽ എരിഞ്ഞു തീരും! അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.