സ്വപ്നലയനം

യാമങ്ങൾ നിശ്ചലമായൊരീ നിദ്രതൻ

ഏകാന്തവീഥിയിൽ നീ പടരുന്നു...

അർത്ഥനിമീലിത നേത്രങ്ങളിൽ പൂക്കുന്ന

അപ്സരസ്സുപോലൊരു മായയായ് നീ!

വാക്കുകൾ മരിക്കുമീ ശൂന്യതയിൽ

ഹൃദയതന്ത്രികൾ പാടും രാഗമായ്,

ചിന്തതൻ ചിറകിലേറി നീ വരുന്നു-

നിഗൂഢമായൊരനുരാഗ സാന്ദ്രതയായ്.

ഭൗതിക ബന്ധനങ്ങളില്ലാത്തൊരീ ലോകത്ത്

നമ്മുടെ ആത്മാക്കൾ പുൽകുന്നു...

കാലം കൊരുത്തൊരാ മൗനത്തിൻ ചങ്ങലകൾ

നിൻ സ്പർശത്താൽ അലിഞ്ഞുപോകുന്നു!

പുലരിതൻ സൂര്യൻ നിൻ രൂപത്തെ മായ്ക്കുമ്പോൾ

അവശേഷിക്കുന്നൊരാ വിങ്ങലുണ്ട്...

വിസ്മൃതിയിലാണ്ടുപോകാത്ത നിൻ സ്മരണകൾ-

എൻ ജന്മത്തിൻ തീരാത്ത പുണ്യമായ്!

മെയ്/09/2023

"Please share your comments and suggestions, as they will help improve my writing skills effectively."

യാമങ്ങൾ നിശ്ചലമായൊരീ നിദ്രതൻ ഏകാന്തവീഥിയിൽ നീ പടരുന്നു... അർത്ഥനിമീലിത നേത്രങ്ങളിൽ പൂക്കുന്ന അപ്സരസ്സുപോലൊരു മായയായ് നീ! വാക്കുകൾ മരിക്കുമീ ശൂന്യതയിൽ ഹൃദയതന്ത്രികൾ പാടും രാഗമായ്, ചിന്തതൻ ചിറകിലേറി നീ വരുന്നു- നിഗൂഢമായൊരനുരാഗ സാന്ദ്രതയായ്. ഭൗതിക ബന്ധനങ്ങളില്ലാത്തൊരീ ലോകത്ത് നമ്മുടെ ആത്മാക്കൾ പുൽകുന്നു... കാലം കൊരുത്തൊരാ മൗനത്തിൻ ചങ്ങലകൾ നിൻ സ്പർശത്താൽ അലിഞ്ഞുപോകുന്നു! പുലരിതൻ സൂര്യൻ നിൻ രൂപത്തെ മായ്ക്കുമ്പോൾ അവശേഷിക്കുന്നൊരാ വിങ്ങലുണ്ട്... വിസ്മൃതിയിലാണ്ടുപോകാത്ത നിൻ സ്മരണകൾ- എൻ ജന്മത്തിൻ തീരാത്ത പുണ്യമായ്! അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.