ഉച്ചമയക്കത്തിലെ അനുരാഗം

പുറത്ത് മധ്യാഹ്ന സൂര്യൻ

ഭൂമിയെ ദഹിപ്പിച്ചു നിൽക്കുമ്പോഴും,

എന്റെയുള്ളിൽ കുളിർമഴയായ്

പെയ്തിറങ്ങുന്നു നിന്റെ ഓർമ്മകൾ...

 

അർദ്ധനിമീലിതമായ മിഴികളിൽ-

നിന്റെ മന്ദഹാസത്തിന്റെ പൊൻപ്രഭ,

ആ നിശബ്ദയാമത്തിന്റെ ഏകാന്തതയിൽ

നിന്റെ ശ്വാസനിശ്വാസങ്ങൾ

ഒരു മന്ത്രം പോലെ ഞാൻ ശ്രവിക്കുന്നു.

 

ഉണരാൻ വിസമ്മതിക്കുന്ന

ആ നിർവൃതിയുടെ നിമിഷങ്ങളിൽ,

കാലം തളച്ചിട്ടൊരു ലോകമുണ്ട്...

നമ്മുടെ പ്രണയം മാത്രം

പടർന്നു പന്തലിക്കുന്നൊരിടം!

 

ഒരു ഹൃദ്യമായ വേനൽമഴ പോലെ

നീയെന്നെ തലോടുമ്പോൾ,

സ്വപ്നമാണെന്നറിഞ്ഞിട്ടും-

ആ മായികലോകത്ത്

അലിഞ്ഞുതീരാൻ ഞാനാഗ്രഹിക്കുന്നു!

ഡിസംബർ/11/2024

"Please share your comments and suggestions, as they will help improve my writing skills effectively."

പുറത്ത് മധ്യാഹ്ന സൂര്യൻ ഭൂമിയെ ദഹിപ്പിച്ചു നിൽക്കുമ്പോഴും, എന്റെയുള്ളിൽ കുളിർമഴയായ് പെയ്തിറങ്ങുന്നു നിന്റെ ഓർമ്മകൾ... അർദ്ധനിമീലിതമായ മിഴികളിൽ- നിന്റെ മന്ദഹാസത്തിന്റെ പൊൻപ്രഭ, ആ നിശബ്ദയാമത്തിന്റെ ഏകാന്തതയിൽ നിന്റെ ശ്വാസനിശ്വാസങ്ങൾ ഒരു മന്ത്രം പോലെ ഞാൻ ശ്രവിക്കുന്നു. ഉണരാൻ വിസമ്മതിക്കുന്ന ആ നിർവൃതിയുടെ നിമിഷങ്ങളിൽ, കാലം തളച്ചിട്ടൊരു ലോകമുണ്ട്... നമ്മുടെ പ്രണയം മാത്രം പടർന്നു പന്തലിക്കുന്നൊരിടം! ഒരു ഹൃദ്യമായ വേനൽമഴ പോലെ നീയെന്നെ തലോടുമ്പോൾ, സ്വപ്നമാണെന്നറിഞ്ഞിട്ടും- ആ മായികലോകത്ത് അലിഞ്ഞുതീരാൻ ഞാനാഗ്രഹിക്കുന്നു! അഖിൽചന്ദ്രിക നെടുമങ്ങാട് തിരുവനന്തപുരം  നന്ദി.